Vokzaldardy jańǵyrtýdy qazan aıyna deıin aıaqtaý kerek - Bektenov
ASTANA. KAZINFORM – Temirjol vokzaldaryn jańǵyrtý jumystaryn ýaqtyly aıaqtaý qajet. Bul týraly Úkimet otyrysynda Premer-mınıstr Oljas Bektenov málim etti.
- Mańyzdy máseleniń biri – temirjol vokzaldaryn jańǵyrtý jumystaryn ýaqtyly aıaqtaý. Muny áleýmettik joba dep aıtýǵa bolady, óıtkeni ol jolaýshylar ınfraqurylymyn jaqsartýǵa, halyqqa jaıly ári sapaly qyzmet kórsetýge baǵyttalǵan. Úkimet tarapynan barlyq qajetti sharalar qabyldandy. Ákimder nysandardy jańǵyrtý barysyn ár apta saıyn tikeleı ózderi baqylap, bekitilgen keste men jumys sapasyn qamtamasyz etýi kerek. Týyndaǵan máseleler birden sheshimin tabýǵa tıis, - dedi O. Bektenov.
Osy oraıda Úkimet basshysy merdiger uıymdarmen birge nysandardaǵy jumys kúshi men tehnıkalyq quraldardy kóbeıtýdi tapsyrdy.
- Qaıta jańartylǵan 30 vokzal 1-shi shildege qaraı alǵashqy jolaýshylardy qabyldaýǵa tıis. Astana, Almaty jáne Túrkistannyń tarıhı vokzaldaryndaǵy restavratsııalaý jumystarynan basqa, qalǵan vokzaldar boıynsha jumystar 1-shi qazanǵa qaraı aıaqtalýy qajet, - dedi Premer-mınıstr.
Buǵan deıin elimizdiń barlyq óńirindegi 124 vokzal jóndelip jatqanyn jazǵan edik.
