Vokzaldardy jańǵyrtýdaǵy ákimshilik kedergilerdi joıatyn shtab quryldy
ASTANA. KAZINFORM — Qazaqstan temir joly alańynda temirjol vokzaldaryn jańǵyrtýdy úılestirý jáne jedeldetý jónindegi jedel shtab quryldy. Onyń quramyna jergilikti atqarýshy organdardyń, tehnıkalyq jáne avtorlyq qadaǵalaýdyń, merdigerlik uıymdardyń jáne kompanııanyń beıindik bólimsheleriniń ókilderi kirdi. Bul týraly «QTJ» UK baspasóz qyzmeti málim etti.
Qazaqstanda 120 astam temirjol vokzalyn jańǵyrtý jalǵasyp jatyr. Nysandardyń bir bóligi jańǵyrtýdyń sońǵy kezeńine ótip jatyr. Mysaly, elimizdiń bes óńirindegi 20 vokzalda qurylys jumystary aıaqtalýǵa jaqyn.
Jedel shtab ákimshilik kedergilerdi alyp tastaýǵa, qabyldaý-tapsyrýdy kelisý rásimderin jedeldetýge, sondaı-aq nysandardy paıdalanýǵa berý úshin barlyq uıymdastyrýshylyq máselelerdiń ýaqtyly sheshilýin qamtamasyz etýge múmkindik beredi.
Aıta keteıik, Premer-mınıstrdiń birinshi orynbasary Nurlybek Nálibaev Almaty qalasyna jumys sapary barysynda megapolıstiń negizgi kólik-logıstıkalyq, energetıkalyq, ındýstrııalyq jáne týrıstik nysandaryn aralady.«Almaty-1» vokzalyna barǵan Premer-mınıstrdiń birinshi orynbasary byltyr naýryz aıynda bastalǵan rekonstrýktsııalaý jumysynyń barysyn tekserdi.
SQO-da úsh temirjol vokzalynda jańǵyrtý jumysy aıaqtalýǵa jaqyn.
