Vokzaldardy jańartý: jospar qalaı iske asyp jatyr
ASTANA. KAZINFORM – 754 shaqyrym jańa temirjol salynady. Bul týraly Úkimet otyrysynda QR Kólik mınıstri Nurlan Saýranbaev málim etti.
- Táýelsizdik jyldaryndaǵy eń aýqymdy «Temirjol vokzaldaryn jańǵyrtý» baǵdarlamasy júzege asyrylyp keledi. Joba aıasynda elimizdiń barlyq óńirindegi 124 vokzal qamtylǵan. Qosymsha jergilikti memlekettik organdar vokzal mańyndaǵy alańdardy jóndep jatyr. Alǵashqy 30 vokzaldy bıylǵy 1 shildege deıin paıdalanýǵa beremiz, - dedi N. Saýranbaev.
Onyń aıtýynsha, temirjol jelisiniń ótkizý qabiletin arttyrý maqsatynda 754 shaqyrym jańa jol salynyp, 3 myń shaqyrym jolda modernızatsııalaý jumystary aıaqtalýǵa jaqyn. Nátıjesinde tasymaldaý múmkindigi men tranzıttik áleýet artady.
- Temirjol jelisiniń ótkizý qabiletin odan ári arttyrý úshin birqatar jańa jobany usynamyz. Olardyń qatarynda Astana – Qaraǵandy baǵytynda úshinshi joldy jáne Arys – Qazaly ýchaskesinde ekinshi joldy salý bar. Sondaı-aq Qyzyljar – Shubarkól – Esil jáne Inderbor – Maqat baǵyttarynda modernızatsııa josparlanǵan, - dedi mınıstr.
Buǵan deıin habarlanǵandaı, 2030 jylǵa deıin jolaýshylar vagondary 90 paıyzǵa deıin jańarady.
