Vokzaldarda múmkindigi shekteýli jandardyń muqtajdyǵy eskerilmegen - Nur Otan
Bıyl 13-21 aqpan aralyǵynda komıtettiń jumys toby Qazaqstan boıynsha 92 kólik nysanyn, onyń ishinde 25 temirjol vokzaly men 31 avtovokzal, sondaı-aq 24 temirjol jáne 12 avtobýs stansasyn tekserdi.
QR Parlamenti Májilisiniń depýtaty, Qazaqstan múgedekter konfederatsııasynyń prezıdenti Janat Omarbekova óz sózinde, temir jol vokzaldarynyń 38%-y ǵana ulttyq standart talaptaryna sáıkes keltirilgen. Degenmen, memlekettik organdardyń derekteri basqasha sóıleıdi.
«Jergilikti atqarýshy organdardyń málimetterine sáıkes, kóliktik qyzmet kórsetý nysandaryn beıimdeý jáne pasporttaý jumystary barlyq óńirlerde aıaqtalǵan. ıAǵnı, nysandar resmı túrde qabyldanyp, barlyq sanattaǵy adamdar úshin qoljetimdi bolyp sanalady», - dedi Janat Omarbekova.
Spıker qoǵamdyq kólikke erekshe nazar aýdardy. Elimizde turaqty avtobýs marshrýttarynda barlyǵy 11 563 avtobýs qatynaıdy. Alaıda olardyń tórtten bir bóligi ǵana erekshe qajettilikteri bar adamdar úshin jabdyqtalǵan.
«Múmkindigi shekteýli jandardy tasymaldaý úshin 2 664 avtobýs nemese 23% ǵana beıimdelgen. Bul rette, «Avtomobıl kóligi týraly» zańǵa sáıkes, qoǵamdyq kólikter múmkindigi shekteýli jolaýshylardy otyrǵyzýǵa jáne túsirýge arnalǵan qurylǵylarmen jabdyqtalýy tıis. Eger tipti, zań normalary saqtalmaıtyn bolsa, onda bul jerde qandaı qoljetimdilik týraly aıtýǵa bolady» - dedi múgedekter konfederatsııasynyń basshysy.
Aıtylǵan synǵa jaýap retinde Eńbek jáne halyqty áleýmettik qorǵaý vıtse-mınıstri Aqmadı Sarbasov mınıstrlik qoǵamdyq nysandarǵa (mektepter, aýrýhanalar, áýejaılar jáne t.b.) qatań baqylaý júrgizetinin málimdedi.
«Ótken jyly múmkindigi shekteýli jandarǵa áleýmettik jáne kóliktik ınfraqurylym nysandaryna qoljetimdilikti qamtamasyz etý boıynsha 1300 tekseris júrgizildi. 212 nysan boıynsha 46 mln. teńgege ákimshilik aıyppul salyndy. Ártúrli mekemelerdiń qoljetimdiliginiń ınteraktıvti kartasy kórsetilgen https://inva.gov.kz/kk portaly jumys isteıdi. Oǵan búginde 31 myńnan astam nysannyń deregi engizilgen. Jergilikti atqarýshy bılikke memlekettik organdardyń nysandaryn beıimdeý, qaıta jańartý úshin tolyq kólemde qarajat bólinbeıtinin atap ótý kerek», – dedi vıtse-mınıstr.
Májilis depýtaty, partııalyq baqylaý komıtetiniń tóraǵasy Pavel Kazantsev qarjylandyrýdyń jetispeýshiligine kúmán keltirdi. Onyń aıtýynsha, halyq qalaýlylary óńirlerge jıi baryp, qoljetimdi ortany qurýǵa nazar aýdarady.
«Saıası erik bar, jospar ortalyq deńgeıde bekitildi. Aqsha bar, qarjylandyrylyp jatyr. Tek qumǵa sińgen sýdaı bolyp ketip jatyr. Al pandýs - bul ǵarysh aılaǵy ma?! Bul ǵımarattyń turǵanyna 500 jyl bolsa da, pandýs jasap, navıgatsııalyq taqtalardy, kórsetkishterdi bekitý qıyn emes», - dedi komıtet tóraǵasy.
Búgingi kúni Qazaqstanda 700 myńǵa jýyq múgedek azamat turady, al halyqtyń 30%-ǵa jýyǵy qaýqary az toptarǵa jatady.
Aıta ketý kerek, Nur Otan partııasynyń Tóraǵasy Nursultan Nazarbaevtyń tapsyrmasy boıynsha qolǵa alynǵan «Kedergisiz keleshek» jobasy aıasynda elimizde 20 myńnan astam áleýmettik mańyzy bar nysandar beıimdelip, zańnamaǵa 78 túzetý qabyldanyp, QNjE jáne t.b. qaıta qaraldy. Nur Otan partııasynyń 13 myńǵa jýyq múshesi – múmkindigi shekteýli jandar.
