Vokzalda 4 mln teńgesin joǵaltqan turǵyn bes kúnnen keıin taýyp aldy
NUR-SULTAN. QazAqparat joǵalǵan – «Almaty-Mańǵystaý» baǵytynda júretin poıyz jolaýshysy abaısyzda 4 mıllıon teńgesin joǵaltyp alǵan. Іri somadaǵy qarajatty kólik polıtseıleri taýyp berdi, dep habarlaıdy QazAqparat tilshisi.
4 mıllıon teńgeni Asqar Jolanov atty azamat Shymkenttegi úıin satyp, poıyzben alyp kele jatqan. Mańǵystaý stantsııasyna túskende ol sómkesin perronda qaldyryp ketken. Ony tek taksıge otyrǵan soń ǵana bilgen. Dál sol sómkede 4 mıllıon teńgesi bolǵan.
Jolaýshy sómkeni ózi izdep taba almapty. Aqyry ýaqyt ótkizbeı iri somada aqsha joǵaltqany týraly jelilik polıtsııa bólimine jazbasha aryz túsirgen. Osydan keıin iske birden kirisken kólik polıtseıleriniń arqasynda aqsha bir tıyny da deıin joǵalmaı, ıesine qaıtarylǵan.
«Ol jolaýshy perronda abaısyzda sómkesin tastap ketken. Ol sómkeni ózimdiki dep oılaǵan ekinshi belgisiz jolaýshy alyp ketken. Aryz túskennen keıin birden reıd sharalary uıymdastyryldy. Sómkeni bes kún boıy izdedik. Jalpy vokzalda adamdar kóp júretinin bilesizder. Tipti vokzaldyń mańyndaǵy kólikterdi, úısizder júretin oryndardyń bárin tekserdik», - deıdi Mańǵystaý stantsııasynyń jelilik polıtsııa bólimi bastyǵynyń orynbasary Qýanyshkereı Qyzylbaev.
Onyń aıtýynsha aqyry abaısyzda sómkeni ózimdiki dep oılap ala ketken jolaýshy anyqtalypty. Osylaısha aqsha ıesine tolyǵymen qaıtarylǵan.
Qomaqty somasyn tapqan Asqar Jolanov kólik polıtseılerine alǵysyn bildirdi.
«Bul aqsha meniń otbasym úshin asa qomaqty soma. Aqshamyzdyń tabylǵanyna qýanymtymyz. Kólik polıtseıleri bes kún boıy izdep, aqshamyzdy taýyp berdi. Zor alǵysymyzdy bildiremiz», deıdi ol.
Tabylǵan aqshaǵa otbasy Aqtaýdan úı satyp alǵaly otyr. Sondaı-aq, onyń bir bóligin qatty aýyratyn balasynyń em-domyna jumsamaq eken.
