«Vokzal Servıs» AQ fılıalynyń dırektoryna qatysty qylmystyq is qozǵaldy
ASTANA. QazAqparat - Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti «Qazaqstan temir joly» UK» AQ «Vokzal Servıs» AQ Ońtústik óńirlik fılıalynyń dırektory O. esimdi azamatqa qatysty qylmystyq is qozǵady.
Qarjy polıtsııasy baspasóz qyzmetiniń málimetinshe, dırektor Almaty-2 vokzalyndaǵy tolyq jóndeýmen aınalysqan «Ýnıversal stroı LTD» JShS merdigeri óz jumysyn tolyq atqarmaǵandyǵy jaıynda bilgen.
Ol oryndalǵan jumystardyń aktileri, sondaı-aq atqarylǵan jumystardyń kólemi jáne sapasy turǵysynda esh tekserýsiz jasalǵan jumystyń quny men shyǵystar týraly anyqtamalar boıynsha ádeıi jalǵan málimetter qamtylǵan qujatqa qol qoıǵan. «Osy arqyly zańmen qorǵalatyn memleket múddesine edáýir nuqsan keltirdi»,-delingen habarlamada.
