Qazaqstandyqtar qosymshalardy qoldanbaı-aq Wi-Fi arqyly qońyraý shala alady
ASTANA. KAZINFORM – Memlekettik mekemelerde bazalyq baılanys stantsııalaryn ornatýǵa ruqsat berilmek. Bul týraly Úkimet otyrysynda Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Madıev aıtty.
«Mınıstrlikte baılanys salasynda týyndaıtyn problemalardy turaqty qadaǵalaý men sheshý maqsatynda jumys isteıtin Jedel shtab quryldy. Oǵan mınıstrliktiń, jergilikti atqarýshy organdardyń jáne baılanys operatorlarynyń ókilderi kiredi. Qosymsha shara retinde mınıstrlikpen Ulttyq qaýipsizdik komıtetiniń kelisimi boıynsha memlekettik mekemelerde bazalyq stantsııalardy ornatýǵa ruqsat berý bóliginde zańǵa táýeldi aktige ózgerister engizilýde», - dedi mınıstr.
Sondaı-aq ol Voice over Wi-Fi tehnologııasyn iske qosý máselesi de pysyqtalyp jatqanyn aıtty.
«Bul — dástúrli uıaly jelilerdiń ornyna Wi-Fi jelileri arqyly daýystyq qońyraýlar jasaýǵa múmkindik beretin tehnologııa. VoWiFi radıo sıgnal ótpeıtin, biraq Wi-Fi bar jerasty parkıngteri nemese ǵımarattarda, uıaly baılanys jelisi nashar jerlerde jaqsy baılanys sapasyn qamtamasyz ete alady. Sondaı-aq baılanys salasyndaǵy memlekettik baqylaý fýnktsııasyn keńeıtý aıasynda mınıstrlik jergilikti atqarýshy organdarǵa osy salada memlekettik baqylaýdy júzege asyrý boıynsha quzyret berýdi usyndy. El boıynsha baılanys sapasyn jaqsartý jónindegi jumystarǵa monıtorıng júrgizý maqsatynda mınıstrlik arnaıy tsıfrlyq platforma ázirledi. Onda baılanys tehnologııalarynyń túrleri boıynsha jáne Qazaqstannyń barlyq eldi mekenderin sapaly baılanyspen qamtamasyz etý jónindegi operatorlardyń josparlary boıynsha aqparat ornalastyrylatyn bolady», - dedi Jaslan Mádıev.
Eske sal
