Vnýkovodaǵy ushaq apatynda Total munaı kompanııasynyń prezıdenti qaza tapty
ASTANA. QazAqparat - Frantsııanyń Total energetıkalyq kompanııasynyń Prezıdenti Krıstof de Marjerı (Christophe de Margerie) Máskeýdegi «Vnýkovo» áýejaıynda apatqa ushyraǵan Falcon-50 ushaǵynda qaza tapty, dep habarlady «Jańalyqtar» RAA.
Total basshysymen birge ushaqtyń 3 ekıpaj múshesi, olar: Rassıa Peraforıa Maksım Jan Marı, Falıýk Rýslana jáne Nıkon ıAnn Jak Jozef mert boldy. Qutqarýshylar tórt adamnyń máıitin tapty.
Eskerte keteıik, Máskeýdegi Vnýkovo áýejaıynda «Falcon» jeke ushaǵy qar jınaýshy kólikke soǵylyp, apatqa ushyraǵan bolatyn. Buǵan deıin BAQ-ta apat saldarynan 5 adam qaza tapqany jarııalanǵan. Onyń 4-ýi ushaq bortyndaǵylar bolsa, bireýi kólik júrgizýshisi.
