Vladıvostok portynda keme órtenip jatyr
ASTANA. QazAqparat - Vladıvostok portynda Reseıdiń Tynyq muhıt flotynyń qaıyqqa qarsy kemesinde órt shyqty, dep habarlaıdy TASS.
Kemeniń órtenýi týraly faktini jergilikti óńirdiń Tótenshe jaǵdaılar mınıstrligine qarasty bas basqarmanyń baspasóz qyzmeti rastady.
«Iá, órt oqıǵasy tirkeldi, qazir birigip jumys istep jatyrmyz»,-dedi baspasóz qyzmetiniń ókili.
Vladıvostok Teńiz qutqarý-uıymdastyrý ortalyǵy habarlaǵandaı, órt «Marshal Shaposhnıkov» kemesinen shyqqan. Kemeden 100-den astam ekıpaj músheleri evakýatsııalandy. Qurban bolǵandar men zardap shegýshiler týraly aqparat tirkelgen joq. Órt sóndirý jumystary jalǵasyp jatyr.
