Vladıvostok áýejaıyndaǵy balyq dúkenine 60 myń rýbl shyǵyn keltirgen mysyq joǵalyp ketti
ASTANA. QazAqparat - Vladıvostok áýejaıynda mysyq balyq dúkenine 60 myń rýbl shyǵyn keltirgen. Alaıda, balyq dúkenin «úptep» ketken mysyq joǵalyp ketti, dep habarlady TASS agenttigine Vladıvostok áýejaıyndaǵy jelilik polıtsııa bóliminen.
«Keshe ǵana munda bolǵan mysyq joǵalyp ketti. Qaıdan shyǵyp, qaıda ketkeni belgisiz», - dedi habarlaýshy.
Shyǵynǵa batqan dúken ıesi mysyqty ózimen birge alyp ketýge aqshasyn qımaǵan jolaýshylardyń biri qaldyryp ketkenin aıtady.
Buǵan deıin áýejaıdyń baspasóz ortalyǵynan bas dırektordyń buıryǵymen ushý qaýipsizdiginiń talaptary jáne qaýipsizdiktiń basqa sharalaryna sáıkes, áýejaıdyń ishinde janýarlardy ustaýǵa tyıym salynǵany týraly habarlanǵan, dep tolyqtyrdy TASS agenttigi.
