Vladıslav Vasılev bıyl «Tobyl» komandasynda oınaıdy
NUR-SULTAN. QazAqparat - Qazaqstandyq jartylaı qorǵaýshy Vladıslav Vasılev bıyl qostanaılyq «Tobyl» fýtbol klýbynyń namysyn qorǵaıdy, dep habarlaıdy QazAqparat tilshisi.
Bul jóninde klýbtyń baspasóz qyzmeti málim etti .
V.Vasılev 1997 jyly Qaraǵandy qalasynda dúnıege kelgen. Úlken fýtbolǵa qadamyn qaraǵandylyq «Shahter» komandasynda bastap, 2015-2017 jyldarda 23 oıyn ótkizdi.
Odan keıin Belarýstiń «Energetıka-BGÝ», «Rýh» komandalarynyń jeıdesin kıdi.
Qazaqstan quramasynyń jartylaı qorǵaýshysy 2021 jyldyń shilde aıynan beri Ózbekstannyń «Ándijan» komandasynda oıyn kórsetip, 8 kezdesýde bir gol soqty.
V.Vasılev 2020 jyldan beri Qazaqstan ulttyq quramasy sapynda birneshe oıynǵa qatysty.
Eske sala keteıik, budan buryn fýtboldan jastar quramasy Armenııamen joldastyq kezdesý ótkizetini habarlanǵan.
