Vladıslav Samojonov álem chempıonatynda alǵashqy qarsylasyn aıqyn basymdyqpen jeńdi
ASTANA. KAZINFORM — Búgin Chernogorııanyń Býdva qalasynda World Boxing uıymynyń U19 sanatyndaǵy álem chempıonaty bastaldy.
Jarystyń alǵashqy kúninde asa aýyr salmaqta favorıtterdiń biri sanalatyn Vladıslav Samojonov 1/8 fınalda Hakan Denız Koskýnmen (Túrkııa) joly túıisti.
Alǵashqy mınýttan basymdyqty qolǵa alǵan otandasymyz raýnd saıyn qarqynyn arttyryp, jekpe-jekti óz baqylaýyna alyp, tehnıkalyq nokaýt tirkedi.
QR Boks federatsııasy málimetinshe, tóreshi 3-raýndta aıqasty toqtatyp, jeńisti Vladıslav Samojonovqa berdi.
Buǵan deıin short-trekten álemdik týrdyń alǵashqy kezeńine kimder qatysatynyn jazǵan bolatynbyz.
