Vladıslav Chelah ózin keshirýdi ótinbek
ASTANA. 17 sáýir. QazAqparat - Vladıslav Chelah ózin keshirýdi suramaq.
Bul sensatsııalyq jańalyqty Vladıslav Chelahtyń qorǵaýshysy Serik Sársenov «Vremıa» gazetine bergen eksklıýzıvti suhbatynda málim etti. S. Sársenovtiń aıtýynsha, 2012 jylǵy 11 jeltoqsandaǵy qylmystyq ister boıynsha mamandandyrylǵan aýmaqaralyq áskerı sotynyń Chelahty ómir boıyna bas bostandyǵynan aıyrý týraly úkimine kassatsııalyq aryz daıyn.
«Ony 25 sáýir kúni joldaımyn. Al 26 naýryz kúni meni qorǵaýshy lıtsenzııasynan aıyrý týraly jeke tulǵanyń qaýlysyn kassatsııalyq tártipte qaıta qaraýdy suramaqpyn. Men muny Ádilet mınıstrliginiń meni lıtsenzııadan aıyrmaý týraly sheshimine qaramastan jasaımyn», - dep málimdedi ol.
Basylymnyń jazýynsha, qorǵaýshy V. Chelahpen kezdesýge áli barǵan joq. «Ázirge kezdesýdiń máni joq. Odan qaǵazdy alý úshin qadaǵalaý ınstantsııasynyń aldynda jolyǵamyn... Qolymyzda bir kózir bolý úshin qandaı qaǵaz ekenin aıtpaı-aq qoıaıyn. Sol kezde ol keshirý týraly ótinishin jazady», - dep túsindirdi S. Sársenov.
