Tımýr Pirimbetov Qazaqstannyń Meksıka Qurama Shtattaryndaǵy Elshisi qyzmetine taǵaıyndaldy

Tımýr Pirimbetov Qazaqstan Respýblıkasynyń Meksıka Qurama Shtattaryndaǵy Tótenshe jáne Ókiletti Elshisi bolyp taǵaıyndaldy, dep habarlaıdy Kazinform Aqordanyń baspasóz qyzmetine silteme jasap.

«Tımýr Vladımıruly Pirimbetov Qazaqstan Respýblıkasynyń Meksıka Qurama Shtattaryndaǵy Tótenshe jáne Ókiletti Elshisi bolyp taǵaıyndaldy, ol Qazaqstan Respýblıkasynyń Latvııa Respýblıkasyndaǵy Tótenshe jáne Ókiletti Elshisi laýazymynan bosatyldy»,-delingen baspasóz qyzmeti taratqan aqparatta.
​

Tımýr Vladımırovıch Pirimbetov 1973 jyly 17 qyrkúıekte Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin bitirgen.

Dıplomatııalyq qyzmetin 1997 jyly Qazaqstan Respýblıkasy Syrtqy ister mınıstrliginiń Eýropa jáne Amerıka departamentinde referent qyzmetinen bastap, sodan keıin attashe jáne úshinshi hatshy qyzmetterin atqardy.

1999-2004 jyldary QR Ispanııadaǵy Elshiliginiń úshinshi, ekinshi hatshysy bolyp jumys istedi.

2004-2018 jyldary Qazaqstan Respýblıkasy Prezıdentiniń protokolda qyzmet etti, onda protokol bastyǵynyń orynbasary laýazymyna deıin barlyq satylardan ótti. 2018-2019 jyldary Qazaqstannyń Reseıdegi Elshiliginiń keńesshi-ýákili boldy.

2019 jyldyń qarasha aıynan bastap Qazaqstannyń Meksıkadaǵy Elshisi bolyp taǵaıyndalǵanǵa deıin Qazaqstannyń Latvııadaǵy Elshisi boldy.

Tótenshe jáne Ókiletti Elshi dıplomatııalyq dárejege ıe.

Ispan jáne aǵylshyn tilderin meńgergen.