Vladımır Vaıss jattyqtyratyn Almatynyń «Qaırat»fýtbol klýby alǵashqy jeńisine qol jetkizdi
ALMATY. 15 jeltoqsan. QazAqparat - Keshe Túrkııada oqý-jattyǵý jıynyn ótkizip jatqan Almatynyń «Qaırat» fýtbol komandasy jańa maýsymǵa ázirlik kezinde Qazaqstan Premer-Lıgasynyń chempıony sanalatyn Qaraǵandynyń «Shahter» komandasyn 2:0 esebimen utty.
Vıktor Kýmykov jattyqtyratyn qaraǵandylyqtar el chempıonaty kezinde almatylyqtardy 4:1 jáne 1:0 esebimen utqan bolatyn. «Qaırattyń» jańadan taǵaıyndalǵan bas bapkeri Vladımır Vaıss jańa maýsymdaǵy alǵashqy kezdesýin jeńispen bastap, bıyl Premer-Lıgaǵa qaıta oralǵanymen 14 komandanyń arasynda 10-shy orynǵa taban tiregen almatylyq aıaqdopshylardyń kóńiline senimin uıalatty. Endi olar kelesi baqylaý matchyn 18 jeltoqsanda Reseıdiń Birinshi lıgasynda óner kórsetetin Nalchık qalasynyń «Spartak-Nalchık» komandasymen ótkizbek.
