Vladımır Tıýlkınniń derekti fılmi Iranda ótken festıvalden júldeli oraldy
ALMATY. QazAqparat - Vladımır Tıýlkınniń «13 kılometr» derekti fılmi Irannyń Varesh qalasynda ótken 9-shy Halyqaralyq kınofestıvalde «Úzdik derekti derekti» fılm nomınatsııasynda jeńiske jetti, dep habarlaıdy QazAqparat «Qazaqfılm» kınostýdııasyna silteme jasap.
Festıval 2019 jylǵy sáýirdiń 29 men 4 mamyr aralyǵynda ótken.
«Qazaqfılm» kınostýdııasynyń málimetinshe, atalǵan festıval Kaspıı aýmaǵyndaǵy elderdiń ádet-ǵuryptary, dinı nanymdary, ulttyq jyrlary, poezııasy, ańyzdary, sonymen qatar, ulttyq arhıtektýrasy, kásip pen sharýashylyq júrgizýdegi ádisteri syndy taqyryptarǵa túsirilgen fılmderine nazar salady.
«13 kılometr» derekti fılmi zaǵıp fermerdiń qystaýdan aýylyna qaraı júrip ótetin jolyn baqylaý ádisimen túsirilgen. Jol boıy fermer ómirindegi ózekti kezeńderin esine alady.
- Bizdiń fılm birneshe festıvalge qatysqan jáne túrli júldelerge ıe bolǵan. Al endi bul jeńis bizdiń alǵashqy basty jeńisimiz, - dep Vladımır Tıýlkın jeńisi týraly aıtyp ótti.
Esterińizge sala keteıik, «13 kılometr» fılmi birneshe júldeni ıemdengenú Olardyń qatarynda Reseıdiń Ekaterınbýrg qalasynda ótken 28-shi Ashyq derekti fılmder festıvalinde qazylar alqasynyń arnaıy júldesi, Overcome FilmFestival 2017 festıvalinde «Overcome Festival Theme Award» júldesi bar.
