Vladımır Smırnov Shańǵy jarysy ulttyq federatsııasynyń jańa basshysy qyzmetine kiristi

ASTANA. QazAqparat - Qazaqstannyń Shańǵy jarysy ulttyq federatsııasynyń jańa basshysy qyzmetine Vladımır Smırnov taǵaıyndaldy. Bul týraly atalǵan federatsııanyń baspasóz qyzmetinen habarlady.

2015 jyldyń 3 mamyrynan bastap, Ómirzaq Shúkeev Qazaqstan Respýblıkasy Shańǵy sport túrleri qaýymdastyǵyn basshylyq etedi. Jańa qyzmetke taǵaıyndalýyna baılanysty munyń aldynda jetekshilik etken federatsııa prezıdenti laýazymynan ketip, óziniń ornyna Táýelsiz Qazaqstannyń birinshi Olımpıada chempıony (Lıllehamer qalasy, Norvegııa, 1994 jyl), álemniń tórt dúrkin chempıony, qysqy Olımpıada oıyndarynyń tórt dúrkin kúmis jáne eki dúrkin qola júldegeri, KSRO-nyń birneshe dúrkin chempıony Smırnov Vladımır Mıhaılovıchti usyndy.