Vladımır Smırnov Qazaqstanda shańǵy sportyn damytýǵa qatysty josparymen bólisti

ASTANA. KAZINFORM – Qysqy sport túrleri boıynsha olımpıadalyq daıarlaý ortalyǵynyń bazasynda Shańǵy sport túrleri qaýymdastyǵynyń jańa prezıdenti Vladımır Smırnovtyń qatysýymen federatsııa jattyqtyrýshylarynyń keńesi ótti.

QR Týrız jáne sport mınıstrligi atap ótkendeı, jıynda federatsııany qaıta qurý, óńirlerde buqaralyq sportty damytý, jastar quramasynyń jattyqtyrýshylar quramyn bekitý, sondaı-aq 2024-2025 jyldardaǵy jarys maýsymyna sportshylardy irikteý qaǵıdattaryn bekitý máseleleri talqylandy.

Vladımır Smırnov jattyqtyrýshylarǵa senim bildirgeni úshin alǵys aıtyp, Qazaqstannyń shańǵy sportyndaǵy negizgi máselelerdi atap ótti. Sondaı-aq ol halyqaralyq arenada otandyq shańǵy sportynyń deńgeıin arttyrý úshin basym mindetterdi belgiledi.

«Aldymyzda mańyzdy jumystar tur. El sportshylarynyń joǵary nátıjege qol jetkizýi úshin erekshe kúsh-jiger men júıeli jattyǵý úderisiqajet. Sapaly jumystyń nátıjesinde burynǵy jetistigimizdi qaıtalaýǵa múmkindik týady», - dep atap ótti Vladımır Smırnov.

Jýyrda Şýche qalasynda shańǵy rollerinen Álem kýboginiń II kezeńi ótti. Qazaqstannyń jasóspirimder quramasy 12 júldege ıe boldy. Anastasııa Hvoşenok, Aıdana Chonkonova, Aıda Hajıeva, Ámirǵalı Muratbekov, Grıgorıı Dachkın jáne Berik Boranbaev úzdik nátıje kórsetti.