Vladımır Slıshkovıch «Jeńistiń» bas bapkeri qyzmetinen ketti
ASTANA. KAZINFORM - «Jeńis» fýtbol klýby bas bapker Vladımır Slıshkovıchtiń qyzmetinen ketkenin jarııalady.
Bul jóninde komandanyń baspasóz qyzmeti málim etti.
Vladımır Slıshkovıch otbasylyq jaǵdaıǵa baılanysty qyzmetinen ketý týraly sheshim qabyldady. Onyń basshylyǵymen komanda 9 match ótkizip, 4 ret jeńiske jetti jáne 5 márte jeńilis tapty. Bas bapkermen birge komandadan bapkerler shtabynyń músheleri Omer Ioldıch pen Mladen Chýchkovıch te ketedi, - dep jazylǵan habarlamada.
Tájirıbeli maman «Spartak» klýbyn basqarǵan kezde Reseı Premer-Lıgasynda birde-bir ret jeńilis tappaǵan jáne aıdyń úzdik bapkeri dep tanylǵan.
Ol óziniń bapkerlik jolyn bosnııalyq «Zrınskı» komandasynda bastaǵan. Sondaı-aq Qytaı, Saýd Arabııasy klýbtarynda jáne Bosnııa men Gertsegovınanyń jasóspirimder quramasynda jumys isteý tájirıbesi bar.
Elordalyq «Jeńis» Qazaqstan Premer-lıgasynda 28-týrdan keıin 32 upaımen onynshy orynda keledi. Endi olar 29-týrda 24 qazanda syrt alańda Shymkenttiń «Ordabasy» klýbymen kezdesedi.
Eske salsaq, budan buryn «Jeńis» fýtbol klýby Álı Álıev negizgi komandanyń bas bapkeri qyzmetin aıaqtaǵanyn málimdedi.Tájirıbeli maman bul qyzmetke 2025 jyldyń jeltoqsan aıynda kelgen edi.
