Vladımır Slıshkovıch «Jeńis» fýtbol klýbyna bas bapker qyzmetine keldi
ASTANA. KAZINFORM — «Jeńis» fýtbol klýby bosnııalyq maman Vladımır Slıshkovıchtiń bas bapker qyzmetine taǵaıyndalǵany týraly resmı túrde málim etti.
Bul jóninde komandanyń baspasóz qyzmeti málim etti.
Jankúıerler tájirıbeli mamandy Reseıdiń «Spartak» (Máskeý) pen «Orenbýrg» klýbtaryndaǵy qyzmeti arqyly jaqsy biledi. Bosnııalyq 43 jastaǵy maman «Spartak» klýbyn basqarǵan kezde Reseı Premer-Lıgasynda birde-bir ret jeńilis tappaǵan jáne aıdyń úzdik bapkeri dep tanylǵan.
Ol óziniń bapkerlik jolyn bosnııalyq «Zrınskı» komandasynda bastaǵan. Sondaı-aq Qytaı, Saýd Arabııasy klýbtarynda jáne Bosnııa men Gertsegovınanyń jasóspirimder quramasynda jumys isteý tájirıbesi bar.
Eske salsaq, budan buryn «Jeńis» fýtbol klýby Álı Álıev negizgi komandanyń bas bapkeri qyzmetin aıaqtaǵanyn málimdedi.
Tájirıbeli maman bul qyzmetke 2025 jyldyń jeltoqsan aıynda kelgen edi. Qazir «Jeńis» týrnır kestesinde 23 upaımen segizinshi orynda keledi.
Endi ol «Jeńis» FK tehnıkalyq dırektory retindegi jumysyn jalǵastyrady. Jańa qyzmetinde Álı Álıev klýbtyń sporttyq vertıkalin damytý, kásibı komandalardyń jumysyn úılestirý, selektsııalyq qyzmet, fýtbolshylardy daıarlaý ádisnamasyn jetildirý, sondaı-aq «Jeńis» FK uzaqmerzimdi sporttyq strategııasyn júzege asyrý máselelerine basa nazar aýdarady.
