Vladımır Shkolnık janarmaıdy tıimdi paıdalanýǵa shaqyrdy

ASTANA. QazAqparat - Qazaqstan azamattary janarmaıdy únemdi tutynýy tıis. Bundaı pikirdi búgin Parlamentte tilshiler saýalyna jaýap berý kezinde QR Energetıka mınıstri Vladımır Shkolnık aıtty.

«Barsha álemde únemdep jatyr jáne bundaı qadamdy júzege asyrý qajet. Osy oraıda men janarmaıdy únemdeýge kóshýge shaqyramyn», - dedi mınıstr. Onyń paıymynsha, múmkindiginshe jumysqa úlken jol talǵamaıtyn kóliktermen barýdyń reti joq. Bul óz kezeginde qala kóshelerindegi keptelisterge áser etedi. Sonymen qatar V.Shkolnık bir úıde turatyn adamdar shamasy kelgenshe bir kólikke otyryp jumysqa barý úrdisin engizý kerektigin jetkizdi. Vedomstvo basshysynyń sózine qaraǵanda, janarmaı baǵasy búkil álemde ósip jatqan kezde adamdar osy tektes tıimdi sharalarǵa nazar aýdarýy qajet. «Germanııany mysalǵa ketiretin bolsaq, olar bir kólikke otyrady nemese qoǵamdyq kólikpen júredi. Sondyqtan bizge de únemshil bolǵan durys», - dep toqtaldy V.Shkolnık. Bul turǵyda ol jalǵyz ózi ǵana kólikpen júretin sheneýnikter osy máselege mán berýi tıis ekendigin atap ótti.