Vladımır Shkolnık QR Prezıdentiniń shtattan tys keńesshisi bolyp taǵaıyndaldy

ASTANA. QazAqparat - Qazaqstannyń burynǵy Energetıka mınıstri Vladımır Shkolnık QR Prezıdenti Nursultan Nazarbaevtyń shtattan tys keńesshisi bolyp taǵaıyndaldy.

Bul týraly búgin Astanada halyqaralyq «Eýrazııa» jobasy boıynsha ótip jatqan dóńgelek ústel barysynda málim boldy.

Atalǵan jıyn QR Energetıka mınıstri Qanat Bozymbaevtyń tóraǵalyǵymen ótip jatyr. Otyrysqa «QazEnerdjı» qaýymdastyǵy tóraǵasynyń orynbasary Uzaqbaı Qarabalın, QR Prezıdentiniń shtattan tys keńesshisi Vladımır Shkolnık, «QazMunaıGaz» UK» AQ basqarma tóraǵasy Saýat Myńbaev qatysýda.

Dóńgelek ústel barysynda munaı óndiretin kompanııalardyń ókilderine geologııalyq zertteýlerdiń nátıjeleri tanystyryldy.