Vladımır Sedov Ilıa Ilınge «sálem» joldady
ASTANA. QazAqparat - Ziltemirshi Vladımır Sedov qazaqstandyq sportshy Ilıa Ilındi jekpe-jekke shaqyryp, odan jaýap kútetinin aıtty.
«Búgin 2016 jylǵy 11 maýsym. Men, Sedov Vladımır, 2009 jylǵy álem chempıony 94 kelige deıin salmaq sanatyndaǵy Tokıodaǵy Olımpıadalyq oıyndardaǵy eki dúrkin olımpıada chempıony Ilıa Ilınnen jaýap kútemin. Dúısenbige deıin kútemin. Eger jaýap bermeseń, seni qorqaq sanaımyn», - dedi ol óziniń Instagram-daǵy postynda.
Qazaqstan chempıonatynda kórsetken shataq minezinen keıin QR aýyr atletıka boıynsha ulttyq quramanyń bas bapkeri Alekseı Nı ony psıhologııalyq tuǵydan ázir emes dep sanap, 2016 jylǵy Olımpıadaǵa qatysatyn atletterdiń aldyn ala tizimine qospaǵan bolatyn.
Keıinirek aýyr atletshi óz Instagram-ynda shataq áreketin júıkesiniń syr bergendigimen túsindirgen. Al jarystan bas tartýdyń sebebi jaraqaty bar ekenin aıtyp, dárigerler qorytyndysynyń fotosyn jarııalady.
QR aýyr atletıka boıynsha bas bapkeri Alekseı Nıden ol ne úshin Rıoǵa barmaıtyny jaıly túsindirýdi surady.
«QR aýyr atletıka boıynsha bas bapkeri azamat Alekseı Nı, men nelikten olımpıadalyq quramada jattyǵa almaımyn? Men Rıodaǵy olımpıada oıyndaryna ruqsat alǵanyma qaramastan, siz Azııa chempıonatynan keıin olımpıadalyq quramamen jattyǵýyma tyıym saldyńyz. Biraz adam qarsy deısiz, ne bolmasa jaýap berýden qashasyz?» - dep jazdy Sedov óz paraqshasyna.
Bul rette ziltemirshi jatyǵýyn jalǵastyryp jatqanyn málimdedi.
«Rıoǵa baram ba, joq pa? Ony men sheshe almaımyn, biraq men Oıynǵa daıyndalyp jatyrmyn», - dep atap ótti sportshy, Olımpıadaǵa qatysýdy armandaıtynyn málimdep. Sondyqtan V. Sedov UOK basshysy Tımýr Qulybaevqa olımpıadalyq quramada daıyndyqty jalǵastyrýǵa múmkindik berý ótinishimen júgindi.
Vladımırdiń aıtýynsha, ony Rıodaǵy Olımpıada oıyndaryna jibermegen jaǵdaıda, ol Tokıo-2020 Olımpıadasyna daıyndyǵyn jalǵastyrady.
