Vladımır Sedov álem chempıony boldy
ASTANA. Qarashanyń 27-si. QazAqparat /Marlan Jıenbaı/ - Qazaqstannyń aýyr atleti Vladımır Sedov álem chempıony atandy,
dep habarlaıdy QazAqparat.
Ońtústik Koreıanyń Goıang qalasynda ótip jatqan aýyr atletıkadan álem chempıonatynda 94 kg deıingi salmaq dárejesinde jarys jolyna shyqqan qazaqstandyq sportshy julqa kóterýde 185, al serpe kóterýde 217 kılony baǵyndyrdy. Sonymen birinshi saıys boıynsha kishi altyn, ekinshi saıys boıynsha kishi kúmis medaldi ıelengen V. Sedov eki jattyǵýdyń qorytyndysy boıynsha 402 kılony kóterip, álem chempıony atanyp, altyn medalǵa qol jetkizdi.
Aıta keteıik, jalpy qorytyndy boıynsha Qazaqstan quramasy Qytaıdan keıingi ekinshi orynda keledi. Buǵan deıin qazaqstandyq eki sportshy qyzymyz álem chempıony atanǵan bolatyn.
