Vladımır Pýtınniń Qytaıǵa sapary aıaqtaldy
ASTANA. KAZINFORM — Reseı Prezıdenti Vladımır Pýtın Qytaıǵa jasaǵan resmı saparyn aıaqtady, dep habarlaıdy TASS.
Agenttik málimetinshe, Vladımır Pýtın túrli kelissózderge, kezdesýlerge jáne hattamalyq is-sharalarǵa barlyǵy shamamen 11 saǵat ýaqyt jumsaǵan.
Jumys baǵdarlamasy jergilikti ýaqyt boıynsha tańǵy 11-de Halyq jınalysy úıine kelgen sátten bastaldy. Sapar sol kúni keshki saǵat 22:00-de dál osy jerde aıaqtaldy. Kúndiz Reseı prezıdenti oǵan berilgen memlekettik rezıdentsııaǵa qysqasha aıaldaǵan.
Áýejaıǵa kelgen kezde Vladımır Pýtındi shyǵaryp salý úshin qysqasha rásim uıymdastyryldy. Beıjińdegi Shoýdý áýejaıynda qurmet qaraýyly sap túzep, sondaı-aq qoldaryna týlar ustaǵan qytaılyq oqýshylar men stýdentter qoshtasý rásimine qatysqan.
Beıjińde ótken Sı Tszınpın men Vladımır Pýtın kelissózderiniń qorytyndylary týraly materıaldy silteme arqyly ótip tanysa alasyz.
