Vladımır Pýtınniń jyldyq tabysy 1,2 mln rýblge ósti
ASTANA. QazAqparat - Pýtınde úsh avtomobıl bar, onyń ishinde jol talǵamaıtyn "Nıva" bar.
Reseı Prezıdenti Vladımır Pýtınniń 2015 jylǵy tabysy 8,9 mln. rýbldi (135,3 myń dollar) qurady, delingen memleket basshysynyń resmı saıtynda jarııalanǵan deklaratsııada.
Qujatqa sáıkes, Pýtınniń 2014 jylǵy tabysy 7,65 mln rýbldi (116,3 myń dollar) qurady.
Deklaratsııada prezıdent ıeliginde aýmaǵy 1500 sharshy metrdi quraıtyn jer ýchaskesi, aýmaǵy 77 sharshy metrdi quraıtyn páteri jáne garajy bar ekeni kórsetilgen. Pýtınniń menshiginde Reseıde jınaqtalǵan úsh avtomobıl jáne "Skıf" avtotirkemesi bar.
Prezıdenttik ákimshilik músheleri ishinde eń kóp paıdaǵa kenelgen vedomstvo basshysynyń birinshi orynbasary Vıacheslav Volodın. Onyń deklaratsııalanǵan bir jyldyq tabysy 87 mln rýbldi (1,3 mln dollar) qurady.
Premer-mınıstr Dmıtrıı Medvedevtiń tabysy ótken jyldyń qorytyndysy boıynsha 8,8 mln rýbldi qurady.
Úkimet saıtynda jarııalanǵan qujatqa sáıkes, ol aýmaǵy 4700 sharshy m jer ýchaskesi men aýmaǵy 367,8 sharshy m páterge, sonymen qatar eki avtomobılge ıe.
Mınıstrler kabıneti músheleriniń ishinde tabysy eń joǵary - portfelsiz mınıstr Mıhaıl Abyzov: deklaratsııaǵa sáıkes, ótken jyly onyń tapqany 455,5 mln rýbl (6,9 mln dollar) boldy.
