Pýtın ıadrolyq synaqtarǵa tyıym salý kelisimin ratıfıkatsııalaýdan bas tartý týraly zańǵa qol qoıdy

Reseı prezıdenti Vladımır Pýtın Reseıdiń ıAdrolyq synaqtarǵa jappaı tyıym salý týraly shart (ıASJTSh) ratıfıkatsııasyn qaıtarý týraly zańǵa qol qoıdy. Qujat quqyqtyq aqparattyń resmı portalynda jarııalandy. Kazinform bul týraly TASS aqparat agenttigine silteme jasap habarlaıdy. 

Shartqa Reseı atynan Nıý-Iorkte 1996 jyly 24 qyrkúıekte qol qoıylyp, ony 2000 jylǵy 27 mamyrda ratıfıkatsııalady. Bul qujat ıadrolyq synaqtyń barlyq túrin toqtatýdyń negizgi halyqaralyq-quqyqtyq qujaty bolýy kerek edi. Alaıda ıadrolyq qarýy bar nemese ony jasaý múmkindigi bar 44 memlekettiń 8-i ony bekitpegendikten, búgingi kúnge deıin shart kúshine engen joq.

Іlespe materıaldarda atap ótilgendeı, qabyldanǵan zań ıadrolyq qarýdy baqylaý salasyndaǵy mindettemelerdiń tepe-teńdigin qalpyna keltirýge arnalǵan. Bul rette qujat Reseıdiń ratıfıkatsııalaý gramotasyn qaıtarý úshin quqyqtyq negiz bolatyny, biraq eldiń ıASJTSh-nan shyǵýyn bildirmeıtini túsindiriledi.

Zań resmı jarııalanǵan kúnnen bastap kúshine enedi.