Vladımır Pýtın ShYU-nyń kezekti sammıti qashan ótetinin aıtty

BІShKEK. QazAqparat - ShYU-ǵa múshe memleketter keńesiniń 20-otyrysy 2020 jyldyń 22-23 shildesinde Reseıde ótedi. Bul týraly búgin ShYU-ǵa múshe memleketter keńesiniń 19-otyrysynda Reseı Prezıdenti Vladımır Pýtın aıtty, dep habarlaıdy QazAqparat tilshisi Bishkekten.

«Qyrǵyzstandy ShYU-ǵa tabysty tóraǵalymen quttyqtaımyn jáne reseılik tóraǵalyq uıym jumysynyń sabaqtastyǵyn qamtamasyz etetinin aıtqym keledi. Qurmetti áriptester, sizderdi 2020 jyldyń 22-23 shildesinde Reseıde ótetin ShYU memleket basshylary keńesiniń kelesi otyrysyna shaqyramyn», - dedi V.Pýtın.

Sonymen qatar ol uıymǵa Reseı tóraǵalyǵy kezinde mádenı-gýmanıtarlyq baılanystardy tereńdetýge basa mán beretinin aıtty. Sondaı-aq, BAQ, dene tárbıesi, sport, týrızm salalaryndaǵy yntymaqtastyq týraly kelisimderdi júzege asyrýǵa tyrysatynyn atap ótti.

«Kelesi jyly Ekinshi dúnıejúzilik soǵysta fashızmdi jeńgenimizdiń 75 jyldyǵyn atap ótemiz. Biz Reseıde HH ǵasyrdyń osynaý qaıǵyly oqıǵasynyń tarıhı shyndyǵyn este saqtaýǵa úlken nazar aýdaramyz», - dedi RF Prezıdenti.