Vladımır Pýtın RF Úkimetiniń tóraǵalyǵyna kim laıyqty ekenin aıtty

MÁSKEÝ.QazAqparat – Reseı Federatsııasynyń Prezıdenti Vladımır Pýtın Federaldy salyq qyzmetiniń basshysy Mıhaıl Mıshýstındi RF Úkimetiniń basshysy laýazymyna taǵaıyndaý úshin ony Memlekettik Dýmanyń qaraýyna usyndy, dep habarlaıdy «QazAqparat» HAA tilshisi Reseı basshysynyń baspasóz qyzmetine silteme jasap.

«Vladımır Pýtın Federaldy Salyq qyzmetiniń jetekshisi Mıhaıl Mıshýstınmen jumys kezdesýin ótkizip, osy kezdesý barysynda oǵan Úkimet basshysynyń laýazymyn usyndy. M.Mıshýstınniń kelisimin alǵan soń Prezıdent onyń kandıdatýrasyn Memlekettik Dýmanyń qaraýyna usyndy», delingen Kreml saıtynda.

Osyǵan deıin Reseı Prezıdenti Vladımır Pýtın jańa laýazym - RF Qaýipsizdik Keńesi tóraǵasynyń orynbasary qyzmetin quryp, bul qyzmetke RF burynǵy mınıstrler kabınetiniń basshysy Dmıtrıı Medvedevtiń kandıdatýrasyn usyndy.

Medet Ahmetov