Vladımır Pýtın resmı saparmen Qyrǵyzstanǵa barady

11 qazanda Qyrǵyz Respýblıkasynyń prezıdenti Sadyr Japarovtyń shaqyrýymen Reseı Federatsııasynyń prezıdenti Vladımır Pýtın Qyrǵyzstanǵa resmı saparmen barady. Taraptar Qyrǵyzstandaǵy shaǵyn AES qurylysyn talqylaıdy, dep habarlaıdy QazAqparattyń menshikti tilshisi. 

QR prezıdenti baspasóz qyzmetiniń habarlaýynsha sapar barysynda Sadyr Japarovtyń Vladımır Pýtınmen ekijaqty kelissózi josparlanǵan. Eki eldiń kóshbasshylary ózara tıimdi seriktestikti damytý máselelerin talqylaıdy.

Degenmen, “Oı Ordo” Sarapshylar bastamasy ortalyǵynyń halyqaralyq qatynastar boıynsha sarapshysy Baıqadam Quramaevtyń pikirinshe, memleket basshylary QR bıoqaýipsizdigi týraly zań qabyldaýdy sóz etedi.

Ol TMD elderiniń bárine tıimdi ári qyrǵyz qoǵamynyń ortaq kelisiminen keıin QR-da kishi AES qurylysyna qatysty Reseıdiń Qyrǵyzstanmen jumysyn bastaýyna kómektesedi.

Sondaı-aq sarapshy ekijaqty seritestik aıasynda memleket basshylarynyń Kant qalasyndaǵy UQShU avıatsııa bazasynyń ashylýyna 20 jyl tolýyna oraı uıymdastyrylatyn saltanatty is-sharaǵa qatysýy josparlanǵanyn atap ótti.

Buǵan deıin 13 qazanda Qyrǵyzstanda el prezıdenti Sadyr Japarovtyń tóraǵalyǵymen Táýelsiz Memleketter Dostastyǵyna múshe elder basshylarynyń otyrysy ótetini habarlanǵan bolatyn.