Vladımır Pýtın Peterbýrgtegi jarylysty terakt dep atady
ASTANA. QazAqparat - RF Prezıdenti Vladımır Pýtın sársenbide Peterbýrgte bolǵan jarylysty terrakt dep atady. Ol federaldyq qaýipsizdik qyzmeti basshysyna bergen tapsyrmasynda, qylmyskerlerdi qolǵa túsirgen jaǵdaıda zań aıasyndaǵy is-qımyldarǵa júginý kerektigin, eger ómirge qaýip tóndiretin jaǵdaıda eshkimdi tutqynǵa almaı, lańkesterdiń kózin joıý kerektigin aıtty. Bul týraly reseılik TASS agenttigi habarlaıdy.
«Keshe Sankt-Peterbýrg qalasynda terrorlyq akti boldy, federaldyq qyzmet jýyqta ǵana taǵy bir oqıǵanyń aldyn alǵan bolatyn», - dedi RF prezıdenti.
Sońǵy derekter boıynsha, Peterbýrg qalasyndaǵy Kondratev dańǵylyndaǵy sýpermarkette jarylys bolyp, 13 adam zardap shekken bolatyn, olardyń segizi qazir aýrýhanada jatyr.
