Vladımır Pýtın Pasha meıramyna baılanysty ýaqytsha bitimge keletinin málimdedi

ASTANA. KAZINFORM — Reseı Prezıdenti Vladımır Pýtın Pasha merekesine oraı ýaqytsha bitim jarııalady, dep jazdy Kreml jańalyqtary.  

— Gýmanıtarlyq sebepterge súıene otyryp, búgin saǵat 18:00-den bastap jeksenbi men dúısenbi arasyndaǵy túngi saǵat 00:00-ge deıin Reseı tarapy Pashaǵa baılanysty bitim jarııalaıdy. Osy ýaqyt aralyǵynda barlyq áskerı qımyldardy toqtatýǵa buıyramyn. Biz bul qadamǵa Ýkraına tarapy da qosylady dep úmittenemiz. Sonymen qatar, bizdiń áskerimiz bitimdi buzý nemese qarsy taraptan bolýy múmkin arandatýshylyq áreketterge qarsy daıyn bolýǵa tıis, — delingen Kreml habarlamasynda.

Eske sala keteıik, buǵan Ýkraına men AQSh paıdaly qazbalar jónindegi kelisim týraly memorandýmǵa qol qoıǵanyn jazǵan bolatynbyz.