Vladımır Pýtın Nursultan Nazarbaevty Jeńistiń 69 jyldyǵymen quttyqtady

ASTANA. QazAqparat - Reseı Federatsııasynyń prezıdenti Vladımır Pýtın Qazaqsatn Respýblıkasynyń prezıdenti Nursultan Nazarbaevty Uly Otan soǵysyndaǵy Jeńistiń 69 jyldyǵymen quttyqtady. Bul týraly Kremldiń baspasóz qyzmeti habarlady.

Quttyqtaýda V.Pýtın: «Týǵan jer men bolashaq urpaq úshin beıbitshilikti saqtap qalǵan ákelerimiz ben atalarymyzdyń erligi - ortaq tarıhymyzdaǵy umytylmas sátter, sondyqtan memleket basshylyǵy Uly Otan soǵysy týraly tarıhı shyndyqty saqtap, ardagerlerge qurmet kórsetip, jas urpaqqa rýhanı qundylyqtardy baǵalaı bilý kerektigin úıretýge paryzdar» dep atap ótken.

Reseı memleketiniń basshysy Uly Jeńis týraly ortaq oı halyqtar arasyndaǵy dostyqty saqtaýǵa, odan ári senimdi áriptestikke jáne aımaqtyq turaqtylyq pen qaýipsizdikke qyzmet etetindigine senim bildirdi. Sondaı-aq, V. Pýtın Uly Otan soǵysynyń ardagerlerine de qurmet kórsetip, olarǵa myqty densaýlyq pen baqyt tiledi.

Aıta keteıik, Reseı basshysy mundaı quttyqtaý hatyn Armenııa, Ázerbaıjan, Belorýs, Qyrǵyz, Moldavııa, Tájikstan, Túrkmenstan, Ózbekstan, Abhazııa, Ońtústik Osetııa basshylaryna, sonymen qatar, Grýzııa men Ýkraına halqyna da joldady.