Vladımır Pýtın Kım Chen Ynmen kezdesti
VLADIVOSTOK. TASS-QazAqparat - Reseı prezıdenti Vladımır Pýtın men KHDR Memlekettik keńesiniń tóraǵasy Kım Chen Yn Vladıvostokta kezdesý ótkizdi, dep habarlaıdy QazAqparat TASS-qa silteme jasap.
RF prezıdenti men KHDR Memlekettik keńesiniń tóraǵasy úsh jarym saǵat boıy kelissóz ótkizdi. Reseı prezıdenti men KHDR kóshbasshysy ıadrolyq qarýsyzdandyrý, óńirlik yntymaqtastyq, sondaı-aq ekijaqty qarym-qatynasty damytý máselelerin talqylady.
Kım Chen Yn Vladıvostokqa 24 sáýirde jeke poıyzymen kelgen. Ony Prımore gýbernatory Oleg Kojemıako, RF SІM basshysynyń orynbasary Igor Morgýlov, KHDR-daǵy RF elshisi Aleksandr Matsegora kútip aldy. Bul - Kım Chen Ynnyń Reseıge alǵashqy sapary.
Reseı basshysy KHDR kóshbasshysymen bolǵan kelissóz týraly Qytaı jáne AQSh basshylyǵyna habarlaıtynyn málimdedi. Bul týraly Kım Chen Yn da suraǵan.
RF Prezıdenti 2002 jyly Vladıvostokta qazirgi KHDR kóshbasshysynyń ákesi Kım Chen Irdi qabyldaǵanyn eske alyp, Reseıde oǵan únemi úlken qurmet kórsetilgenin atap ótti.
Vladımır Pýtın qabyldaý kezinde Koreı túbegindegi ıadrolyq máselelerdi beıbit túrde sheshýdiń balama joly joq ekenin málimdedi.
Kım Chen Yn óz kezeginde Vladımır Pýtınmen kezdesýdiń ekijaqty baılanysty damytyp, Koreı túbegin retteýge yqpal etetinine úmittenip otyr.
Kım Chen Yn kelissózden keıin Vladımır Pýtınge koreı qylyshyn syıǵa tartty.
Vladımır Pýtın men Kım Chen Yn kezdesýine 300-den astam jýrnalıst akkredıtatsııalandy. Olardyń arasynda Qytaı, Ońtústik Koreıa jáne Japonııa ókilderi bar.
