Vladımır Pýtın Qazaqstanǵa memlekettik saparmen keledi
ASTANA. KAZINFORM — 27-29 mamyr kúnderi Prezıdent Qasym-Jomart Toqaevtyń shaqyrýymen Qazaqstanǵa Reseı Federatsııasynyń Prezıdenti Vladımır Pýtın memlekettik saparmen keledi, dep habarlaıdy Aqordanyń baspasóz qyzmeti.
— Memleketter basshylary kelissózder barysynda Qazaqstan men Reseı arasyndaǵy jan-jaqty strategııalyq seriktestiktiń jáne odaqtastyq qatynastardyń qazirgi jaı-kúıin, sondaı-aq ony nyǵaıtý perspektıvasyn talqylaıdy, — delingen habarlamada.
28 mamyrda Eýrazııalyq ekonomıkalyq odaqqa múshe memleketter basshylarynyń qatysýymen Eýrazııalyq ekonomıkalyq forým ótedi.
29 mamyrda Joǵary Eýrazııalyq keńestiń otyrysy uıymdastyrylady.
Budan buryn mamyrdyń basynda Memleket basshysy Qasym-Jomart Toqaev Máskeý qalasyna jumys saparymen bardy.
Keıinnen Qasym-Jomart Toqaev Vladımır Pýtınmen kezdesý ótkizgenin jazǵanbyz.
