Vladımır Pýtın Qazaqstan Prezıdentin Omskige shaqyrdy
MÁSKEÝ. QazAqparat - Reseı Federatsııasynyń Prezıdenti Vladımır Pýtın Qazaqstan Respýblıkasynyń Prezıdenti Qasym-Jomart Toqaevty Reseı men Qazaqstannyń XVI óńiraralyq yntymaqtastyq forýmyna shaqyrdy, dep habarlaıdy «QazAqparat» HAA-niń menshikti tilshisi.
«Bıylǵy jyly jıyn Omskide qarasha aıynda ótedi. Men oǵan Qazaqstan Prezıdentin de shaqyrdym»,-dedi Reseı basshysy.
V.Pýtın sonymen qatar Omskide ótetin óńiraralyq yntymaqtastyq máselesine arnalǵan shara aıasynda Qazaqstan men Reseıdiń jas kóshbasshylary forýmy ótetindigin aıtty.
«Osy shara aıasynda Reseı men Qazaqstannyń jas kóshbasshylarynyń forýmyn ótkizý durys dep sheshtik»,-dep qosty Vladımır Pýtın.
«Sóz sońynda Qazaqstan Prezıdentine, Qazaqstannan kelgen barlyq áriptesterime jáne dostarymyzǵa aýqymdy nátıjeli kelissózder úshin alǵysymdy bildirgim keledi. Búgingi kezdesýimizdiń nátıjesi Qazaqstan men Reseıdiń odaqtas retindegi qarym-qatynasyna ıgi yqpalyn tıgizedi degen oıdamyn»,-dedi Reseı basshysy Máskeýde ótken kelissózder qorytyndysy boıynsha.
