Vladımır Pýtın Qasym-Jomart Toqaevty týǵan kúnimen quttyqtady
ASTANA. KAZINFORM – Reseı prezıdenti Vladımır Pýtın Qazaqstan basshysy Qasym-Jomart Toqaevqa 71 jasqa tolýyna baılanysty quttyqtaý jedelhatyn joldady, dep habarlaıdy TASS aqparat agenttigi.
Kreml saıtynda jarııalanǵan quttyqtaýda Reseı Federatsııasynyń basshysy qazaqstandyq áriptesiniń eki el arasyndaǵy yntymaqtastyq pen jeke dostyq qarym-qatynastarǵa qosqan úlesin atap ótti.
«Reseı elderimiz arasyndaǵy strategııalyq seriktestik pen odaqtastyqty, sondaı-aq EAEO, UQShU, TMD, ShYU jáne basqa da kópjaqty qurylymdar aıasyndaǵy syndarly ózara is-qımyldy damytýǵa qosqan jeke úlesińizdi joǵary baǵalaıdy», - dep jazǵan Pýtın Toqaevqa arnalǵan jedelhatynda.
«Men bizdiń jaqsy, dostyq qarym-qatynasymyzdy baǵalaımyn. Biz Reseı men Qazaqstannyń baýyrlas halyqtarynyń ıgiligi úshin aldaǵy ýaqytta da birge jumys isteı beremiz», - dep atap ótti RF prezıdenti.
Buǵan deıin habarlaǵanymyzdaı, Malaızııa premer-mınıstri Qasym-Jomart Toqaevti búgingi týǵan kúnimen quttyqtady.
Búgin, 17 mamyrda Qasym-Jomart Toqaev 71 jasqa toldy.
