Vladımır Pýtın Iran men Izraıl arasyndaǵy janjaldy sheshýdiń joly týraly pikir bildirdi
ASTANA. KAZINFORM — Reseı Prezıdenti Vladımır Pýtın dúnıejúziniń jetekshi aqparat agenttikteri basshylarymen kezdesý barysynda Iran men Izraıl arasyndaǵy janjaldy barlyq taraptyń múddesin eskere otyryp kelissóz arqyly sheshken jón bolar edi degen pikirin bildirdi, dep habarlaıdy Kazinform tilshisi.
Onyń aıtýynsha, kelisim Irannyń beıbit atomǵa – tek energetıkada ǵana emes, tolyq quqyly bolýyn jáne Izraıldiń sózsiz qaýipsizdigin qamtamasyz etý quqyǵyn qamtýy kerek.
— Jalpy alǵanda, mundaı sheshim tabýǵa bolady. Biz eshkimge eshteńe tyqpalamaımyz, tek jaǵdaıdan shyǵýǵa qatysty óz kózqarasymyzdy usynamyz. Biraq túpkilikti sheshimdi Iran men Izraıldiń saıası basshylyǵy qabyldaıdy, — dedi Vladımır Pýtın.
Buǵan deıin Reseı Izraıl men Iranǵa araǵaıyndyq jasaýǵa daıyn ekenin málimdegen.