Vladımır Pýtın burynǵy zaıybymen qarym-qatynastary týraly aıtyp berdi
ASTANA. QazAqparat - Reseı Prezıdenti jetekshi álemdik aqparattyq agenttikteriniń basshylarymen bolǵan kezdesýde óziniń jeke ómiri jáne burynǵy zaıybymen qarym-qatynastary týraly suraqqa jaýap berdi.
Vladımır Pýtın keıde otbasymen usaq-túıek týraly sóılesip, túngi saǵat ekige deıin uıyqtamaıtynyn málim etti. Jeke ómiri týraly saýalǵa jaýap bergen Reseı basshysy: «Bolashaqqa josparlarym bar, mende bári qalypty»,- dedi.
Alaıda Pýtınniń jeke ómiri týraly derekter óte az.
Lıýdmıla men Vladımır Pýtınder 2013 jyldyń maýsym aıynda, otaý qurǵandaryna 30 jyldaı ýaqyt bolǵanda ajyrasatyndaryn habarlady. «Bul bizdiń ortaq sheshimimiz boldy. Nekemiz aıaqtaldy. Biz bir-birimizdi óte sırek kóremiz», - dep túsindirdi prezıdent.
2014 jyldyń sáýirinde Kreml saıtyndaǵy Pýtınniń qysqa ómirbaıanynda onyń zaıyby týraly jazba joıyldy.
Endi «Reseı Prezıdentteri» bólimindegi Pýtınge qatysty sońǵy jazba mynandaı: «Qyzdary Marııa (1985 j.) jáne Katerına (1986 j.), dep jazady Ýtro.ru.
