Vladımır Pýtın AÓSShK aıasynda terrorıstermen kúresti kúsheıtýge shaqyrdy
«Reseı Azııadaǵy beıbitshilik pen turaqtylyqqa qatysty aýqymdy isterdi júzege asyrý boıynsha AÓSShK barlyq elderimen ózara árekettistikti damytýǵa nıetti. Azııadaǵy teń, ortaq ári birtutas qaýipsizdikti qurýda birlesken kúsh-jigerdi arttyrýdy qoldaımyz. Ózara senim, tatý kórshilik, ishki isterge aralaspaý syndy halyqaralyq quqyq pen BUU ustanymdaryna negizdelgen júıelerdi ustanamyz», - dedi Vladımır Pýtın Dýshanbede Azııadaǵy ózara is-qımyl jáne senim sharalary keńesi sammıtiniń ashylýynda.
Reseı prezıdenti Azııadaǵy turaqtylyqqa shıelenisti jaǵdaılardy retteý men terrorıstik syn-qaterge júıeli túrde qarsy turý arqyly ǵana qol jetkizýge bolatynyn atap ótti.
«Ol úshin terrorıstik toptardy anyqtaý men joıý, olardyń qarjylandyrýyn, ásirese esirtki arqyly qarjy tabýyna jol bermeý boıynsha yntymaqtastyqty arttyrǵan jón. Lańkesterdi hımııalyq, bıologııalyq nemese jappaı qyratyn ózge de qarý túrlerine jibermeýimiz qajet», - dedi Vladımır Pýtın.
