Vladımır Nıkıtenko - «Tobyldyń» jańa bas bapkeri
ASTANA. QazAqparat - Qazaqstan jastar quramasynyń jattyqtyrýshysy Vladımır Nıkıtenko "Tobyldyń" bas bapkeri bolyp taǵaıyndaldy, dep habarlaıdy SPORTINFORM SAA .
Búgin Qostanaı oblysynyń ákimi Arhımed Muhambetov 60 jastaǵy qazaqstandyq mamandy "Tobyldyń" bas bapkeri retinde bekitti. Endi qostanaılyqtar kelesi maýsymǵa daıyndyqty jańa bapkermen daıyndalatyn bolady. Nıkıtenkonyń aldynda "Tobyldyń" tizginin reseılik bapker Robert Evdokımov ustaǵan edi. Ol kelisimsharty aıaqtalǵannan keıin ornyn bosatty. Oǵan qosa, klýbtyń alǵa qoıǵan tapsyrmalaryn oryndaı almady.
Vladımır Nıkıtenko áli de Qazaqstan jastar quramasynyń jattyqtyrýshysy. Qos qyzmetti birge alyp júredi me, álde jastar quramasynan kete me? Ol ázirge belgisiz.
