Vladımır Maıakovskııdiń murajaıynan 50-dan astam eksponat urlandy
ASTANA. 17 jeltoqsan. QazAqparat - Vladımır Maıakovskııdiń memlekettik murajaıy qorynan 52 eksponat qoldy boldy.
Olardyń urlanǵany 2007 jáne 2009 jyldary júrgizilgen Mádenıet mınıstrliginiń tekserisi barysynda anyqtaldy. Bul týraly astanalyq mádenıet departamentiniń basshysy Sergeı Kapkov habarlady. Joǵalyp ketken materıaldardyń ishinde sýretshi Aleksandr Rodchenkonyń jumystary men tanymal aqyn Maıakovskııdiń jeke zattary bar.
Rodchenkonyń jumystarynan basqa, murajaıdan «Rabochıı odın slab», «Eslı ty stal na rabote ınvalıd», «Okno ROSTA №883» sııaqty kásipodaq plakattary, sondaı-aq aqynnyń kózildirigi, jazý jıyntyǵynan maısham jáne basqa da zattar qoldy boldy.
Eksponattar murajaıdy qaıta jańǵyrtý úshin jádigerlerdi Máskeýdiń 7 birdeı aýdanyna aparǵan kezde joǵaldy. Murajaı dırektory Svetlana Strıjenova málim etkendeı, keıin eki eksponat shetelden tabylyp, Reseıge qaıta qaıtarylǵan.
