Vladımır Klıchko WBA/WBO/IBF nusqalary boıynsha álem chempıony ataǵyn qorǵap qaldy
ASTANA. 11 qarasha. QazAqparat - Ýkraındyq boksshy Vladımır Klıchko WBA/WBO/IBF nusqalary boıynsha asa aýyr salmaqtaǵy álem chempıony ataǵyn qorǵap qaldy, dep habarlady RBK.
Gambýrgtegi «O2 World Arena» kesheninde ótken basty jekpe-jeginde ýkraındyq bylǵary qolǵap sheberi Polsha boksshysy Marıýsh Vahty jeńip shyqty. Boksshylar rıngte barlyq 12 raýndty ótkizdi, onyń qorytyndysymen tóreshilerdiń biraýyzdan sheshimimen jeńis V.Klıchkoǵa berildi. Tóreshiler jazbasynyń esepteri: 120-107, 120-107, 119-109.
Sońǵy saıysqa deıin V.Klıchkonyń esebinde 58 jeńis (50 nokaýtpen), sondaı-aq 3 jeńilis boldy. M.Vah buǵan deıin jeńilip kórmegen edi jáne 27 jekpe-jekti (15 nokaýtpen) utqan edi.
Buǵan deıingi 2012 jylǵy shildedegi saıysta V.Klıchko amerıkandyq Tonı Tompsondy jeńgen bolatyn.
