Vladımır Klıchko rıngke qaıta oralýy múmkin
ASTANA. QazAqparat - Aýyr salmaq boıynsha bokstan burynǵy álem chempıony ýkraındyq Vladımır Klıchko sporttyq mansabyn jalǵastyrý týraly suraqqa jaýap berdi.
«Qazir, 2 aı buryn boksshy mansabyn aıaqtaý týraly sheshim qabyldaǵannan keıin, bul sheshimniń durys bolǵanyn aıtqym keledi», - dep málimdedi Klıchko BBC-ge bergen suhbatynda.
Sondaı-aq, ýkraındyq bolashaqta boksqa qaıta oralýy múmkin ekenin de jasyrmady.
«Bulaı kesip aıtýǵa da bolmas. Múmkin, eki jyldan keıin sporttyq jolymdy jalǵastyratyn shyǵarmyn. Biraq, men ony qalamas edim», - dep atap ótti Klıchko.
41 jastaǵy Klıchko kásibı rıngte 69 aıqas ótkizip, onyń 64-in jeńispen (54-i - nokaýtpen) aıaqtasa, bes ret súringen edi.
