Vladımır Klıchko men Entonı Djoshýa aıqasy onjyldyqtaǵy úzdik jekpe-jek ataldy

NUR-SULTAN. QazAqparat – Tanymal Boxing News basylymynyń nusqasy boıynsha ýkraındyq Vladımır Klıchko men brıtandyq Entonı Djoshýa aıqasy onjyldyqtaǵy úzdik jekpe-jek ataldy, dep habarlaıdy QazAqparat.

Aıta ketsek, WBA, IBF jáne IBO tıtýly úshin bolǵan bul aıqas 2017 jylǵy sáýirde Londondaǵy Ýemblı stadıonynda bolǵan edi.

Tórtinshi raýndta Djoshýa Klıchkoni nokdaýnǵa jiberdi, al kelesi úshmınýttyqta ýkraındyqtyń soqqysynan soń brıtandyq eseńgirep qaldy. Degenmen 11-raýndta brıtandyq tehnıkalyq nokaýtpen jeńdi.

Olar atap aıtqanda, Gennadıı Golovkın men (Qazaqstan) - Saýl Alvarestiń (Meksıka) alǵashqy kezdesýinen, sondaı-aq Naoıa Inoýe (Japonııa) - Nonıto Doneır (Fılıppın) jáne Srısaket Sor Rýngvısaı (Taıland) - Roman Gonseles (Nıkaragýa) jekpe-jekterinen kóp daýysqa ıe boldy, dep jazdy Klitschko-brothers.com.