Vladımır Klıchko: «Gennadııdiń bir jymıysynyń ózi mıllıon dollarǵa tatıdy»
ASTANA. QazAqparat - Gennadıı Golovkınniń múddesin qorǵaýshy K2 promoýter kompanııasynyń negizin qalaýshy Vladımır Klıchko ESPN-ge bergen suhbatynda qazaqstandyq boksshyǵa óz baǵasyn berdi. Óz kezeginde ol GGG jeńisi kezinde Gennadııdiń jurtshylyqtyń nazaryna túse bergisi kelmeıtin qarapaıymdylyǵyn atap ótti, dep jazady sports.kz.
«Boksqa Gennadıı sııaqtylar óte qajet. Ol jurtshylyqtyń nazaryna ilikti. Aǵylshynshasy da jaqsaryp keledi. Halyq onyń shynaıy qasıetterge ıe jan ekenin moıyndady. Ol Devıd Heı emes. Golovkın jan salyp daıyndalady. Bar ynta-jigerimen bokstasady. Onyń bir jymıysynyń ózi mıllıon dollarǵa tatıdy.
Qarapaıym da ashyq, ol naǵyz chempıon. K2 onymen jumys isteýge múmkindik alǵanyna qýanyshtymyn», - dedi Klıchko.
Ýkraındyq aýyr salmaqty boksshy Genadıı jekpe-jegine arnalǵan medıa-sharalarǵa nege qatyspaıtynyn aıtty.
«Gena jekpe-jeginde men alǵa shyqpaımyn, sebebi ol onyń shoýy. Onyń shildede ótken Madison Square Garden-daǵy saıysynda boldym. Biraq eshqaısysyna bolyspadym. Iá, K2 meniń kompanııam. Alaıda onyń qyzmetkerleri boksshylardyń jetistigi úshin qajetti jaǵdaıdyń bárin jasaıdy. Golovkın jekpe-jeginde men emes, ol basty juldyz. Oǵan men qajet emespin, sondyqtan syrttan baqylaımyn».
