Vladımır Klıchko Brazılııada ótetin Olımpıadaǵa qatysa almaıdy
ASTANA. QazAqparat - Asa aýyr salmaqtaǵy ataqty ýkraındyq boksshy Vladımır Klıchko 2016 jyly Brazılııada ótetin Olımpıada oıyndaryna qatysýdan bas tartty, dep jazady nemis basylymdary.
Basylym aqparatyna qaraǵanda, Ýkraınanyń boks federatsııasy V.Klıchkony Olımpıada oıyndarynda sharshy alańǵa shyǵarýdy jón kórmeı otyr. Degenmen, boksshynyń nemis qurama komandasynyń sapynda Brazılııaǵa barý múmkinshiligi mol edi. Alaıda sportshy mundaı usynystan bas tartty.
«Klıchko 2013 jyldyń qarashasyna deıin Germanııa azamattyǵyn alýy tıis edi. Biraq ol mundaı qadamǵa barmady», - dedi Germanııa boks federatsııasynyń sporttyq dırektory Mıhael Mıýller.
«Aıta keterligi, sáýirdiń sońynda Vladımır Klıchko Germanııada kezekti tıtýldyq jekpe-jek ótkizedi. Onyń qarsylasy asa aýyr salmaqtaǵy álem chempıony ataǵyn tartyp alýǵa nıetti Aleks Leapaı bolmaq», - dep habarlaıdy vesti.kz.
