Vladımır Klıchko bolgarlyq Kýbrat Pýlevpen jekpe-jekke shyǵýdan bas tartty
ASTANA. QazAqparat - Úsh birdeı bedeldi nusqa boıynsha asa aýyr salmaqtaǵy álem chempıony ýkraındyq Vladımır Klıchko Halyqaralyq boks federatsııasy (IBF) tıtýlyna úmitker bolgar jigiti Kýbrat Pýlevpen mindettelgen jekpe-jegine shyǵýdan bas tartty.
Ýkraındyqtyń menedjeri Bernd Benttiń aıtýynsha, Pýlev promoýterleriniń qarjylyq talaptary ýkraın boksshysynyń kóńilinen shyqpaǵan. Bul týraly ITAR-TASS habarlaıdy.
Aıta keteıik, buǵan deıin IBF Klıchkoǵa ataǵyn qorǵaý úshin Pýlevpen jekpe-jekke shyǵýdy mindettegen bolatyn. Bolgar boksshysy 2013 jyly amerıkalyq Tonı Tompsondy jeńgennen keıin mindetti úmitker atanǵan.
Klıchkonyń qanjyǵasynda IBF, Búkilálemdik boks uıymy (WBO) jáne Búkilálemdik boks qaýymdastyǵy (WBA) nusqalary boıynsha túrli ataq-dárejeleri bar.
