Vladımır Klıchko bolgarlyq boksshymen judyryqtasqany úshin 6 mln. dollar syıaqy alady
ASTANA. QazAqparat - K2 promoýterlik kompanııasy ózara kezdeskeli jatqan ýkraınalyq boksshy Vladımır Klıchko (65-3, 52 KO) men IBF tıtýlynyń úmitkeri bolgarlyq Kýbrat Pýlevtiń (20-0, 11 KO) alatyn syıaqy kólemin jarııalady.
Allboxing.ru habarlaǵanyndaı, ýkraınalyq boksshy jekpe-jektiń nátıjesine qaramastan 5,8 mln. dollar almaq. V. Klıchko kelissózder barysynda jalpy 7,25 mln. dollardy 80/20 paıyz kóleminde bólýdi talap etken.
Osylaısha, bolgarlyq boksshy tek 1,45 mln. dollarǵa qol jetkizbek.
Kezdesý 6 qyrkúıekte Germanııanyń Gambýrg qalasynda 02 World stadıonynda ótedi.
