Vladımır Klıchko álem chempıony ataǵyn qorǵap qaldy
ASTANA. 8 shilde. QazAqparat - Ýkraındyq Vladımır Klıchko amerıkandyq Tonı Tompsondy 6-shy raýnda tehnıkalyq nakaýtpen jeńip, asa aýyr salmaqtaǵy álem chempıony ataǵyn qorǵap qaldy,
dep habarlaıdy ITAR-TASS.
Sharshy alańdaǵy aıqas Shveıtsarııanyń Bern qalasyndaǵy «Stad de Sýıss» fýtbol stadıonynda ótti. Bul jekpe-jek amerıkandyq boksshy úshin qarymta matchy bolatyn. Ol 2008 jyly ýkraındyqpen sharshy alańda kezdesip, 11 raýndta nokaýtpen utylǵan edi.
Aıta keteıik, IBF belbeýin 2006 jyldan beri ıelik etip kele jatqan V.Klıchko ony 12 ret, Búkil álemdik boks uıymy ataǵyn 1 ret Búkilálemdik bok qaýymdastyǵynyń ataǵyn eki ret qorǵap qalǵan bolatyn. Ol 58 márte jeńiske jetip, (51 nokaýt), 3 ret jeńilgen.
